hai zer-e-zamin saya to baala-e-zamin dhup duniya bhi do-rangi hai kahin chhanw kahin dhup hai nur-e-rukh-e-yar zamane mein firozan kahte hain ghalat sab ye nahin dhup nahin dhup is tarah ki zid hai use har baat mein mujh se kahta hun main saya to wo kahta hai nahin dhup allah-re tere garmi-e-ariz ki shararat khurshid chhupa sharm se nikli na kahin dhup ham-palla hue yar ki afshan se na 'raunaq' chamki to bahut kuchh sifat-e-mahr-e-mubin dhup