fasl-e-gul ka gham dil-e-nashad par baqi raha
hashr lag ye muzlima sayyaad par baqi raha

khol kar zulfon kun aaya sarw-qad jab bagh mein
naqsh-e-hairat turra-e-shamshad par baqi raha

jal gaya parwana pan mujh sa samundar-khu nahin
ye sukhan shagird ka ustad par baqi raha

aashiqi mein kab rawa hai is tarah ki zalimi
khun-e-shirin gardan-e-farhad par baqi raha

rah gae zauq-e-tabassum mein taghaful ke shahid
bismilon ka khun-baha jallad par baqi raha

ulfat-e-laila ne majnun ka mitaya sab nishan
nam us ka safha-e-ijad par baqi raha

khol chashm-e-lutf de jagir maqsud-e-'siraj'
shama-ru parwana-dil sayyaad par baqi raha