fursat ho to sun lije bita hua afsana
kyun hosh ganwa baitha ye aap ka diwana

tum hi to tamanna ho har shaikh-o-barhaman ki
sajda tumhein karte hain kaba ho ki but-khana

tufan mohabbat ka khamosh tha muddat se
kyun aaj chhalak uththa ye sabr ka paimana

hum aatish-e-ulfat mein is taur se jalte hain
khud shama hain mahfil mein aur aap hi parwana

jab mast nigahon se saqi ne zara dekha
madhosh nazar aaya maikhane ka mai-khana

is dil ki kharabi se aajiz hain magar phir bhi
rakhte hain aziz apna tuta hua paimana

ho ahd-e-wafa un ka ya wada-e-farda ho
aata hai 'shamim' hum ko baaton mein bahal jaana