us ne dil par war kiya hai kuchh to baat rahi hogi
mujh ko yun bimar kiya hai kuchh to baat rahi hogi

wo jo dil key khidki us ne meri khatir kholi thi
us ko gar diwar kiya hai kuchh to baat rahi hogi

awwal us ne hi aa kar iqrar kiya tha chahat ka
phir jo ye inkar kiya hai kuchh to baat rahi hogi

ab jo hum ko ghair-zaruri kahta hai us ne hum par
waqt agar be-kar kiya hai kuchh to baat rahi hogi

yaron hum be-kar sahi par itne bhi be-kar nahin
us ne hum se pyar kiya hai kuchh to baat rahi hogi