ganw mein jhonpdi salamat hai
saltanat hai meri riyasat hai

koi mitha sa dard hai duniya
koi dilchasp si saubat hai

main ne khamoshiyan suni hain teri
mujh se mat puchh kya samaat hai

ye hua tajraba dam-e-akhir
zindagi kitni be-murawwat hai

wasl kya hai ye tum batao mujhe
hijr to ishq ki ibaadat hai

dukh kisi ek ka nahin hota
ye mere ganw ki riwayat hai

jhuth ka badh gaya chalan itna
aainon par bhi aaj tohmat hai