muntashir muntashir hain khwab bahut
raushni ban gai azab bahut

dil salamat to raushni ke liye
aaftab aur mahtab bahut

qatre qatre mein hai tilism hazar
zarre zarre mein hai sairab bahut

ishrat-e-tabish-e-guhar na sahi
imbisat-e-sarishk-e-nab bahut

ek hamin to nahin hain khak-basar
hum se hain khanuman-kharab bahut

dhup se tamtama raha hai wajud
hai abhi tez aaftab bahut