ghair se un ki mulaqat kahan thi pahle aaj jo baat hai wo baat kahan thi pahle ab to be-baat hi rahte ho kashida-khatir be-rukhi mujh se ye be-baat kahan thi pahle mere haalat ne kuchh us ko tasalli di hai mutmain gardish-e-haalat kahan thi pahle ab to har baat pe tana hi mujhe milta hai aap ki bazm mein ye baat kahan thi pahle ho ke barbaad main samjhi hun maqam-e-ulfat warna mujh mein ye karamat kahan thi pahle aap hi meri tabahi ka banenge mujib meri danist mein ye baat kahan thi pahle ghaur se dekhiye ye faiz-e-hawas hai 'raje' is qadar aamad-e-afat kahan thi pahle