gham-e-ishq ko aazmana padega
unhen rabt-e-ulfat badhana padega

dar-e-yar kaba nahin phir bhi zahid
dar-e-yar par sar jhukana padega

nishan us ka milna to mushkil nahin hai
magar naqsh-e-hasti mitana padega

yahi hai agar mera zauq-e-nazara
sar-e-tur phir tum ko aana padega

sar-e-hashr daman pakad kar kisi ka
kahunga mujhe bakhshwana padega

ye kahti hai 'makhmur' un ki mohabbat
mere samne sar jhukana padega