gham-e-zist hum se liya jae na
bina gham bhi lekin jiya jae na

teri mast aankhon ne bakhsha surur
ki ab mai ka pyala piya jae na

inayat hai ghairon pe har dam teri
sitam bhi to hum par kiya jae na

karam chahta hun faqat tujh se main
sahaara kisi ka liya jae na

diye zakhm yaadon ne dil par bahut
jawab hum se lekin diya jae na

'asad' aap ki hai nirali ada
ki dushman ko bhi dam diya jae na