ghaTega tere kuche mein waqar aahista aahista

ghatega tere kuche mein waqar aahista aahista
badhega aashiqi ka e'tibar aahista aahista

bahut nadim hue aakhir wo mere qatl-e-nahaq par
hui qadr-e-wafa jab aashkar aahista aahista

jila-e-shauq se aaina-e-taswir-e-khatir mein
numayan ho chala ru-e-nigar aahista aahista

mohabbat ki jo phaili hai ye nikhat bagh-e-alam mein
hui hai muntashir khushbu-e-yar aahista aahista

dil o jaan o jigar sabr o khirad jo kuchh hai pas apne
ye sab kar denge hum un par nisar aahista aahista

ajab kuchh haal ho jata hai apna be-qarari se
bajate hain kabhi jab wo sitar aahista aahista

asar kuchh kuchh rahega wasl mein bhi ranj-e-furqat ka
dil-e-muztar ko aaega qarar aahista aahista

na aaenge wo 'hasrat' intizar-e-shauq mein yunhi
guzar jaenge ayyam-e-bahaar aahista aahista


This is a great dr naseem nikhat shayari in hindi. True lovers of shayari for pehli mulakat will love this. Shayari is the most beautiful way to express yourself and this jawab hum denge shayari is truly a work of art. Please share if you liked this!!!