girte girte sambhal raha hun main
dastaras se nikal raha hun main

dhup ka bhi ajab tamasha hai
apne sae pe chal raha hun main

guftugu hai meri gulabon si
shakhsiyat mein kanwal raha hun main

dhup jab se mali hai chehre par
rafta rafta pighal raha hun main

gird mere hai wahshaton ka hujum
ek jangal mein pal raha hun main

ek hichki ka khel hai 'mahir'
is qadar kyun machal raha hun main