gulzar mein ye kahti hai bulbul gul-e-tar se
dekhe koi mashuq ko aashiq ki nazar se

lo aur suno kahte hain wo hum se bigad kar
dekho hamein dekho na mohabbat ki nazar se

wo utthi wo aai wo ghata chha gai saqi
mai-khane pe allah kare tut ke barse

mai-khane pe ghanghor ghata chhai hai be-kar
khulna ho to khul jae barasna ho to barse

kya ishq hai kya shauq hai kya rashk hai kya lag
dil jalwa-gah-e-naz mein aage hai nazar se

is khauf se mil lete hain wo 'nuh' se akasr
tufan na uthae kahin ye dida-e-tar se