hai ajab kuchh moamla dil ka
kabhi nikla na hausla dil ka

teri ulfat ki rah mein ai shokh
lut gaya hae qafila dil ka

rishta-e-ishq ja milata ja
teri zulfon se silsila dil ka

kya bataun ki samne un ke
zor kuchh bhi nahin chala dil ka

wasl ki shab na tum mile khul kar
rah gaya dil mein walwala dil ka

har qadam par shikast hai wallah
ishq se kya muqabla dil ka

jaan dunga talab mein ai 'ajiz'
aakhiri hai ye faisla dil ka