hai koi dard musalsal rawan-dawan mujh mein bana liya hai udasi ne ek makan mujh mein mila hai izn-e-sukhan ki masafaton ka phir khule hue hain takhayyul ke baadban mujh mein sahabi sham sar-e-chashm phailte jugnu kisi khayal ne bo di ye kahkashan mujh mein muhajrat ye shajar-dar-shajar hawaon ki basae jati hai khana-badoshiyan mujh mein ajib zid pe ba-zid hai ye musht-e-khak-badan agar hai meri rahe phir ye meri jaan mujh mein mera wajud bana hai ye kaisi mitti se samae jati hain kitni hi hastiyan mujh mein