imkan ki hadon se nikal kar bhi dekh lo
main kar raha hun apni faza ke umas se jang

main hun ana ke koh-e-falak-bos ka raqib
mujh ko rawa nahin hai kisi khar-o-khas se jang

har ek pankhudi se ghiza chus li gai
phulon ki der tak rahi jari magas se jang

jab bhi karoge haq ko mitane ki justuju
minaron masjidon ki rahegi kalas se jang

is na-tawani-e-shab-e-gham mein bhi ai 'wali'
karta raha hun roz main do-chaar das se jang