hakim-e-dil ban gai hain ye theatre waliyan
main lagaunga gul-e-dagh-e-jigar ki daliyan

zabt ke jame ke bakhiya tutte hain dosto
hae ye belen kashide aur aisi jaliyan

hur mustaqbil pari mazi magar ye haal hain
di-o-farda kya karun paun jo ye khush-haaliyan

aasman se kya gharaz jab hai zamin par ye chamak
mah-o-anjum se hain badh kar un ke bunde baaliyan

fool wo kahti hain mujh ko main unhen samjha hun phul
hain gul-e-rangin se behtar un gulon ki galiyan