hasil ho kuchh ma'ash ye mehnat ki baat hai
lekin surur-e-qalb ye qismat ki baat hai

aapas ki wah wah liyaqat ki baat hai
sarkar ki qubul ye hikmat ki baat hai

wo mukhbir-e-raqib hai main hun shahid-e-‘ishq
ye apni apni himmat-o-ghairat ki baat hai

ba bhi pas hon mile bibi bhi dil-pasand
mehnat ki hai wo baat ye qismat ki baat hai

tahzib-e-maghribi mein hai bose talak mu'af
is se agar badho to shararat ki baat hai