hamara khun hai ye surkh aab thodi hai
ye ek zinda haqiqat hai khwab thodi hai

chamak raha hai hamari mohabbaton ke sabab
wagarna chehra tera mahtab thodi hai

sitam jo hum pe kare hum kahen use apna
koi dimagh hamara kharab thodi hai

ganwa den kyon bhala sanson ko hum bila maqsad
hamari zist hai koi itab thodi hai

khizan ki garm hawaen hi chhin len 'amir'
hamara haq hai gulon ka shabab thodi hai