hamara zauq dildari nahin tha
tera chehra bhi akhbari nahin tha

na daudaya na rishwat hi talab ki
mohabbat kaam sarkari nahin tha

hamari untni shab-bhar na baithi
nagar mein koi ansari nahin tha

hamare ham-nashin kis kaam ke the
jo hum mein 'azm-e-sardari nahin tha

wafa phir aur wo ek bewafa se
ye koi kar-e-hushyari nahin tha

ghalat-fahmi hui kuchh 'nazr' tum ko
mera maqsad dil-azari nahin tha