hamara zikr dushman ki zabani dekhte jao
fasana ban gai sari kahani dekhte jao

zara ek chhed do zahid se qisse hur-o-ghilman ke
phir us kam-bakht ki rangin-bayani dekhte jao

tapak le khun armanon ka aankhon se zara thahro
meri lutti hui rangin jawani dekhte jao

kamal-soz gham-ha-e-nihani dhundne walo
maal-e-soz gham-ha-e-nihani dekhte jao

bahut charche the yaron mein meri jadu-bayani ke
huzur-e-dost meri be-zabani dekhte jao