hamare dil ko na chhedo ki ye wo sahra hai
bahaar hai na jahan koi phul khilta hai

wo shakhs jis ka idhar se kabhi guzar na hua
gali ke mod pe kyon jaane aaj baitha hai

khamosh jhil ka pani sahi magar us mein
jo phenkiye koi patthar to chikh uthta hai

hamari subh janam surajon ko deti hai
hamari raat ke daman se chand ugta hai

jo dekhiye to hai ek bhid apne sath liye
jo sochiye to har ek shakhs 'barq' tanha hai