hamare hath mein khanjar nahin the kisi bhi waqt hum kayer nahin the har ek gham se shanasa ho gae hain kabhi hum ranj ke khugar nahin the wo kitne khush the be-chhat ki zamin par sabab ye hai ki un ke ghar nahin the wo baaten kar rahe the aasman ki wo jin ke bazuon mein par nahin the unhen thi fikr nahaq apne sar ki mere to hath mein patthar nahin the hui thi sher se tamhid pahle wo sab naqqal the shair nahin the use dekhen palat kar phir dobara teri galiyon mein wo manzar nahin the jo chalte the hamare sath 'asghar' zara aage the wo rahbar nahin the