hamare khwab kuchh inikas lagta hai ye aadmi to hamein ru-shanas lagta hai guzarishat bhi bais thin barhami ka kabhi ab us ka hukm bhi ek iltimas lagta hai jo apne nam se tahrir us ne bheji hai hamare khat ka koi iqtibas lagta hai bila-sabab ye kare bad-guman kyun aakhir durust! naseh! qayafa-shanas lagta hai wo hum se tark-e-talluq pe ab hai aamada hamein to aap ka ye ek qayas lagta hai khuda kare ki hamein wo dua na koi de hamein to kosna hi us ka ras lagta hai tarashen pairahan ab kuchh nai zaminon mein darida sher ka pichhla libas lagta hai ye daur kaisa hai jis shakhs se bhi milna ho pareshan-haal shikasta udas lagta hai bataen aap ko kya hai 'matin' ki pahchan sarapa dard hai taswir-e-yas lagta hai