hamein ahl-e-zamana dhundte hain
koi taza nishana dhundte hain

abhi tak hum koi unwan-e-taza
sar-e-shahr-e-fasana dhundte hain

hamari hi tarah uth kar sawere
parinde aab-o-dana dhundte hain

zamin ab ho gai maskan purana
naya koi thikana dhundte hain

charagh-e-khun-e-dil hum to jala kar
mazamin ka khazana dhundte hain

musalman ho ke bhi hum gul-rukhon mein
adaen kafirana dhundte hain

abhi kuchh log aise hain jo 'shahid'
wahi pahla zamana dhundte hain