hangama bapa hashr ka ai dosto jab ho
saqi-e-gul-andam ho aur bint-e-inab ho

zanjir-e-dar-e-yar pe rahti hain nigahen
fajr-o-zuhar-o-asr ya tariki-e-shab ho

dil do jigar-o-jaan bhi iman bhi ye kya
muhtaj nahin par bade bisyar-talab ho

hasid are buzdil are shatir are zalim
hasil tujhe taskin-e-dili ho bhi to kab ho

'ajiz' karo aaram ki sattar ke hue tum
is umr mein marne ki hawas wah ajab ho