hanste-hanste na sahi ro ke hi kat jaane do
kaam jine ka kisi taur nipat jaane do

mere hisse ki jo khushiyan hain wo bat jaane do
dard-e-duniya mere sine mein simat jaane do

ruh nashad hai kyon fikr-e-tan-e-fani mein
tan hai poshak purani ise phat jaane do

sa’at-e-wasl qarib aae kisi bhi surat
zindagi apni jo ghatti hai to ghat jaane do

kab talak koi rahe rain-basere mein 'sada'
ab to wapas mujhe ghar apne palat jaane do