haq ki talash mein hi bhatakti rahi sada
khoi rahi hai ishq mein manzil meri sada

sikha sabaq jo main ne to azbar nahin kiya
pati rahi saza main isi baat ki sada

talkhi gae dinon ki mere sath hi rahi
wo ulti pad gai jo dua main ne ki sada

kuchh aur dhans gai use khincha agar kabhi
kashti pahan ke ret hi soi rahi sada

main apni khoj mein rahi lekin kuchh is tarah
tera hi zikr ghazlon mein karti rahi sada

'zahra' muaf kar bhi de ek din agar kabhi
to bhi saza milegi use ab wahi sada