har baat pe inkar kare hai but-e-kafir
tu shakhs to achchha hai magar tere anasir

ai shahr-e-tamanna mein sukunat ke bhikari
is shahr mein aabaad nahin koi muhajir

khush rahne ki takid na kar waqt hai ab bhi
gar man liya main ne kahin tera kaha phir

koi bhi mere dukh mein dukhi hota nahin hai
dhaaras hi bandha jae gale mil ke ba-zahir

jab se meri mahfil se wo ek shakhs utha hai
main lakh rahun dil nahin rahta kabhi hazir

us shokh tabiat se tujhe aar hai lekin
'shadab' agar nam ka shadab hua phir