har-nafas taza sitam hote hain jab tere shahr mein hum hote hain phul khilte hain jo us ke lab par rashk-e-gulzar-e-iram hote hain dil mein bas jaen jo arman ki tarah aise ashaar to kam hote hain hum ki hain shah-e-dayar-e-khuban hadaf-e-tesha-e-gham hote hain thes lag jae na khuddari ko lo wo mail-ba-karam hote hain gham-e-mahbub se badh kar nahin gham yun to har tarah ke gham hote hain jin ko dekhe se koi yaad aae aise ahbab bhi kam hote hain zehn-e-shair mein hamesha 'iqbaal' na-tarashida sanam hote hain