har zaban par hai guftugu teri
hai har ek dil mein aarzu teri

mehr-o-mah donon tujh se shashdar hain
ye tajalli hai chaar-su teri

mai se ai shaikh gar tahaarat kar
aabru ho dam-e-wuzu teri

zulf sumbul hai aur kamar rag-e-gul
hai ye tarif mu-ba-mu teri

gul na phulen samae jame mein
gar saba se wo paen bu teri

lai aahu ko dam mein goya
aankh par zulf-e-mushkbu teri

dur-e-dandan pe to fida 'ahqar'
chashm-e-giryan hai aabru teri