hasti ke shajar mein jo ye chaho ki chamak jao kachche na raho balki kisi rang mein pak jao main ne kaha qail main tasawwuf ka nahin hun kahne lage is bazm mein aao to thirak jao main ne kaha kuchh khauf collector ka nahin hai kahne lage aa jaen abhi wo to dubak jao main ne kaha warzish ki koi had bhi hai aakhir kahne lage bas is ki yahi had hai ki thak jao main ne kaha afkar se pichha nahin chhutta kahne lage tum jaanib-e-mai-khana lapak jao main ne kaha 'akbar' mein koi rang nahin hai kahne lage she'r us ke jo sun lo to phadak jao