hasraten bar aaengi khwahish ke mit jaane ke baad
raushni aati hai din ki raat kat jaane ke baad

justuju rahat ki paida karti hai haijaan ko
zalzale hote hain sakin koh phat jaane ke baad

aazmaish sabr ki jab khatm hogi dekhna
imtihan hoga tumhaara umr kat jaane ke baad

aish mein rahat kahan ghafil tu hai kis bhul mein
rahaten hamwar hogi aish kat jaane ke baad

zindagi ek khwab 'gita' aarzu be-kar hai
raaz afsha honge sab naqshe palat jaane ke baad