hath khali hai koi kankar utha
aankh se thahra hua manzar utha

khamushi ka tantana hai har taraf
shor ye kaisa mere andar utha

kya nahin rakkha tha mere samne
phir bhi sajde se na mera sar utha

ab bhi mala-mal hai mera hunar
samne se mere sim-o-zar utha

main bahut nadim hun apne kaam se
meri mitti se naya paikar utha

main bhi dekhun mera qatil kaun hai
dhak na de mera badan chadar utha