hijr inam-e-wafa ho jaise jurm-e-ulfat ki saza ho jaise dagh-e-dil aaj bhi lau deta hai tera naqsh-e-kaf-e-pa ho jaise rahraw-e-rah-e-wafa se puchho har-nafas karb-o-bala ho jaise dil mein ye josh-e-tarab to dekho dard bhi koi dawa ho jaise yun har ek khat ko taka karta hun mere hi nam likha ho jaise ghaur se ahl-e-qafas han sunna jaras-e-gul ki sada ho jaise ek tair nazar aaya hai abhi hudhud-e-shahr-e-saba ho jaise tesha-zan koi nihan tha mujh mein wo bhi ab mar sa gaya ho jaise mere ashaar wo yun padhta hai aaina dekh raha ho jaise yun hawa chikh rahi hai ban mein dil use dhund raha ho jaise ye tera 'jabir'-e-shirin-guftar khusraw-e-shahr-e-nawa ho jaise