hijr ka din hai ye guzarne de
ai gham-e-yar sham dhalne de

umr thodi hai pyas sadiyon ki
shabnami rut sakun se marne de

us ne manga hai mujh se ek tohfa
ab to jaan hi ye nazr karne de

ho jo mumkin to abr barsa de
hiddat-e-gham mein warna jalne de

jazba-e-shauq lo bhi dega use
paikar-e-sabr mein to dhalne de

koi lamha to ho sakhi aisa
kasa-e-did ko jo bharne de

phir uwais-ul-hasan main ye chahun
zindagi baam se utarne de