hijr ki rut mein tadapti-o-sisakti aankhen mujh se dekhi nahin jatin ye tumhaari aankhen waqt-e-college mein kitabon ke ahate mein ghiri hae kis tarah main bhulun wo kitabi aankhen chehra aisa ki jo dekhe kahe subhan-allah zikr karte hue lab hain to namazi aankhen ai musawwir koi taswir bana mujh jaisi chehra ho gham ka badal shor machati aankhen mujh ko palkon pe bitha kar ke zamin-bos kiya ya-khuda khak wo ho jaen farebi aankhen baad tere jo mujhe dekhe kahe ye 'zoya' kis ke matam mein hain ye teri ghilafi aankhen