hirs-o-hawa ke hain sab bande kuchh bhi khuda se kaam nahin
tuf hai aise jine par hai jis ka nek anjam nahin

main ne hi pahle dekha tha main hi gira tha ghash kha kar
main hi mulzim main hi mujrim aap pe kuchh ilzam nahin

haalat-e-naza mat puchho tum sakta ka sa aalam hai
ab koi dam ka hai mehman subh hui to sham nahin

haalat kya hai 'jarih'-e-khasta kuchh munh se to batlao
sun ke gham mein ho sar-gashta yaad bhi us ka nam nahin