ho gaya abru ki saffaki se shohra yar ka
kaam kar jae sipahi nam ho sardar ka

kucha-e-shah-rag se kya tera mahal nazdik hai
dam gale mein aa ke atka hai tere bimar ka

misl-e-isa un ki khidmat mein rasai ho gai
padh gae kothe pe hum zina laga kirdar ka

raat ko aankhon ke niche phir gai taswir-e-yar
wah kya chamka sitara dida-e-bedar ka

'qadr' kya islah-e-'ghaalib' se meri shohrat hui
wo masal hai badh kate nam ho talwar ka