ho gaya sab khak muztar rah-e-parwana rahi
bazm mein raushan sahar tak jaan-e-jaanana rahi

haisiyat kya aur haqiqat kya bhala is khak ki
us ke har naqsh-e-qadam par phir bhi nazrana rahi

pyas ka zarf aise khul jaega kab malum tha
tishnagi jam-o-subu tak pir-e-mai-khana rahi

ki takhayyul ne mere paikar-tarashi is qadar
dil sanam-khana raha aankh aaina-khana rahi

kam na thi mina-e-hasti mein mai-e-jalwa magar
tishna-kaami hi hayat-e-nau ka paimana rahi

roz-e-awwal se abad tak aap yaksan rah gai
rind thi apni tabiat yun hi rindana rahi

tum haqiqat puchhte ho ishq 'kausar' ki suno
dasht-o-sahra ki kahani apna afsana rahi