hua hun dil seti banda piya ki mehrbani ka
fida karta hun har dam ji kun apne yar-e-jaani ka

diye mein jun bati ho yun dahakti hai zaban mukh mein
karun jis raat ke andar bayan soz-e-nihani ka

unjho ankhiyan ke roghan hain hamare shola-e-dil kun
bujhana ishq ki aatish nahin hai kaam pani ka

asar karta hai nala 'abru' ka sang ke dil mein
hunar sikha hai shayad kohkan sun tesha-rani ka