hue aaj buDhe jawani mein kya the

hue aaj budhe jawani mein kya the
jab utthe the zanu se hath aashna the

jahan ki to har chiz mein ek maza tha
na samjhe ki kis shai ke hum mubtala the

na kafir se khilat na zahid se ulfat
hum ek bazm mein the pa sab se juda the

na tha mere jangal mein aazad koi
bagule bhi paband-e-zulf-e-hawa the

mazar-e-gharib tassuf ki ja hai
wo sote hain phirte jo kal ja-ba-ja the

bana kar bigada hamein kyun jahan mein
ye sab harf kya sahw-e-kilk-e-qaza the

kiye aakhiri nale do-chaar main ne
wahi nale bang-e-shikast-e-dara the

khuda jaane duniya mein kis ko thi rahat
'hawas' hum to jine se apne khafa the


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close