hum aasman ki surat the par zamin rahe
tumhaare panw pe rakkhi hui jabin rahe

dua rahegi hum aise khizan-rasidon ki
khuda kare ki tu sarsabz aur hasin rahe

hamare dil se nikalte huon ko sat salam
wo is liye ki wo is habs mein makin rahe

hamare khwab jo dekhe the hum ne tere liye
wo khwab khwab nahin the hamara din rahe

main apne sar ki qasam de ke us se kahta tha
ki main rahun na rahun par mera yaqin rahe