hum bade dasht-e-bala se guzre
un se guzre na khuda se guzre

barha shahr-e-wafa se guzre
ek sunsan faza se guzre

hum ne har bar dar-e-dil khola
hadse teri ada se guzre

dil mein bikhre the teri yaad ke phul
gham ke lashkar bhi saba se guzre

talkh yaadon mein thi khushbu-e-wafa
ab ke jab ku-e-jafa se guzre

har qadam tir malamat ke chale
lakh hum sidq-o-safa se guzre

ab hai tanhai-e-dasht-e-furqat
raunaq-e-ku-e-jafa se guzre