hum bhi the gosha-gir ki gumnam the bahut
is tarz-e-zist mein magar aaram the bahut

duniya hai kar-khana-e-wahm-o-guman tamam
sachche wahi fasane the jo aam the bahut

khud apne iztirar-e-tabiat se tang the
hum jo shikar-e-gardish-e-ayyam the bahut

lipti rahi to sar-basar asrar thi wo zulf
khulti kabhi to us ke bhi paigham the bahut

ek umr tajrabaat mein guzri to ye khula
yan aazmuda-kar hi nakaam the bahut