hum na-shanas-e-rah the sab se juda chale par apni justuju mein zamane ko pa chale ab kuchh nahin hai pas na ‘ibrat na ishtiyaq thi ek mata’-e-hosh so wo bhi ganwa chale teri kasafaton se kisi ko gharaz na thi ai zindagi ye bar bhi hum hi utha chale ab raushni bhi zist ka maqsad nahin rahi jalta hun is gharaz se ki shayad hawa chale chhu kar mujhe na dekh ki ye main nahin hun dost ek bar mujh ko tod ki mera pata chale ye kaisi chup lagi hai ki but ban gaya hun main mayus ho ke mujh se mere ham-nawa chale anjaan ghatiyon ka safar aur andheri raat chalna ho jis ko sath wo mere chala chale