hum thahar pae na kabe mein na but-khane mein umr guzri dil-e-shorida ke bahlane mein aaj tak ho na sake mahram-e-asrar-e-junun barsen guzrin hamein rahte hue virane mein apne to apne rahe ghair bhi ro dete hain aisi kya baat hai hamdam mere afsane mein tang hai un ke liye aarzu-e-ishrat-e-dahr shadman hain jo tere gham ke tarab-khane mein jaan-gusil hi sahi 'ashufta' gham-e-dost magar jaan-e-afsana yahi hai mere afsane mein