hum ne tere firaq mein tark-e-wafa nahin kiya
tu ne wafa nahin kiya hum ne jafa nahin kiya

apnon ki be-dili sahi sab mein hue hain khwar hum
warna zara batao dil kis ka bhala nahin kiya

tum ne kisi se ishq ki kahte hain ham-nawa sabhi
un se hai kaisa wasta hum ne kiya nahin kiya

sari hadon ko tod kar us ne kiye kai sitam
hum ne bhi had ko tod di ek bhi gila nahin kiya

ghalati jo ek ho gai chhod ke wo mujhe gai
kitnon ko ab wo chhodegi kis ne khata nahin kiya

tum ne tamam pyar ka mujh ko hisab de diya
tum ne mujhe bura kaha tum ne bura nahin kiya