husn jitna hi sada hota hai
gesu-e-na-kushada hota hai

jab kabhi shaghl-e-baada hota hai
ek aalam ziyaada hota hai

jab wo aate hain zindagi ke qarib
dil bhi dur-uftada hota hai

kya khabar ye fashurda-e-angur
kitna khun ho ke baada hota hai

un ka jalwa na dur hai na qarib
nur hai kam ziyaada hota hai

husn hota hai sada-o-rangin
ishq rangin-o-sada hota hai

gungunata hun fursaton mein 'nushur'
sher tanhai-zada hota hai