husn ke samne hum shama jalate kaise aaina-saz ko aaina dikhate kaise us ka andaz-e-sitam hum ko bahut ras aaya warna duniya ke sitam aur uthate kaise lakh chaha ki mohabbat ka na izhaar karen phir bhi chehre ke tassur ko chhupate kaise jis ko malum nahin dil ki tabahi ka sabab dastan us ko mohabbat ki sunate kaise ye meri shokh-nigahi ka asar hai 'ambar' warna ghabra ke wo chilman ko uthate kaise