husn ki barq-bariyan tauba
ishq par taza-kariyan tauba

dil lagate hi hosh kho baithe
shauq ki be-qarariyan tauba

aakhirash dil ko khak kar dala
aah ki shola-bariyan tauba

ghair rabt hum se be-rabti
yar ki aisi yariyan tauba

chashm-e-tar ab to zabt-e-girya kar
yun bhi kya ashk-bariyan tauba

hum rahen shauq-e-did mein kab tak
dil ki ummidwariyan tauba

arsa-e-hijr-e-yar mein 'irfan'
dard ki gham-gusariyan tauba